la lojbo ranmi

From Lojban
Jump to navigation Jump to search

pa mo'o lo cfari zo'u

ni'o ni'o ni'o

ca lo tolfa'o be ro da poi munje ku lo me zi'o ku po'o zasti .i zy. kakne lo ka cusku zo r po'o zy po'o zi'o .i se mu'i bo zy. sezytercme zo r .i lo si'o temci cu nalvai la r noi ku'i milxe co badri lo nu no da poi na me zy. cu tirna lo noi la r jinvi lo ka melbi ku'o me zo r .i ca lo bi'unai tolfa'o lo munje cu barda cimni gi'e ji'a jai ve'e sance lo nu bi'unai la r cusku zo r

ni'o

bazu lo simlu be lo ka cimni kei pa zo r cu klama la r gi'e cusku fi ri fe lo se du'u vo'a me zo r na e zo l .i la r ka'e krici lo du'u go'i kei naku i za'a lo me zo r ku .e lo me zo l cu zasti .i lo nu go'i cu spaji la r

ni'o

cegi mu'i gi ge lo me zo r gi lo me zo l nalneisi'u gi la r naldji lo nu lo'i ri selsku cu damba simxu gi la r jdice lo du'u ei jai gau sepli lo me zo r fai lo me zo l da .i ku'i la r se nabmi da po'usa'e lo nu so'o lo me zo r cu nelci so'o lo me zo l ija'ebo la r finti ci ei da

ni'o ni'o

lo munje cu kunti ro da poi ke'a na du ry .a ly .a la r .ico'ubo la r facki lo ka bu'u makau au pagbu co munje ry joi ly .i zy finti ci da

ni'o

lo bolci noi barda gi'e se fagri zi'e goi by. cu pamoi ko'a goi lu'i ci lo se go'i .i zy cuxna lo du'u lo me zo r cu xabju by. kei cegi ri gicegi ri peba'i lo me zo l gi ri peba'i ly joi ry

ni'o

lo bolci noi mutce co barda mleca gi'e se fagri naku si'anai cu remoi ko'a .i ki'u lo du'u se fagri naku kei la r jdice lo du'u ry .e ly xabju lo go'i goi my. sei zo mleca jai krinu .i ki'u lo du'u panpi bu'u my ku la r melgau .ei my .i zy finti lo cmana .e lo lalxe .e lo rirxe .e lo xamsi

ni'o

lo bolci noi barda mleca my cu cimoi je romoi ko'a .i li'a ly xabju lo go'i goi my ly .i ki'u lo du'u lo ka finti my ly ba lo nu no'a my cu se tatpi zy kei zy lazni lo ka finti my ly .ija'ebo lenku bu'u my ly noi badri pe'a simlu