zantufa/jbo

jo'au zantufa xi pipaci ni'o

la zantufa cu mo

• .i la zantufa cu me lo so'o vrici be lo genturfa'i be lo jufra be fi la lojban
• .i la zantufa cu se jicmu lo na'e ca'irselzau gerna poi ke'a zabna lo ka ge ce'u sampu gi lo si'o pairnu'i cu mukti ce'u kei la guskant

ni'o

lo ba'a steci be la zantufa

• .i plixau ma'i lo si'o kansa zo jo'au kei .i ni'i bo ro lo ve farvi cu ge se tcita pa nacle'u porsi tordu gi ba ru'i gubni
• .i .ai so'a lo cnino cmavo be lo ca'irselzau selma'o cu te gerna fi la zantufa
• .i pi so'a lo zasni gerna be ti'i la xorxes cu ba'a .au se cuxna
  • .i ku'i lo mekso se stidi be la xorxes cu .au zmadu fi lo ka se cuxna
  • .i je'u .au vimcu ma'oi SA
    • .i ca la zantufa xi pipaci zo zei cu co'a cmima ma'oi SI noi milxe co stika lo gerna be fi ke'a
• .i .au cuxna zo soi poi cnino .e zo xoi .e zo voi poi cnino
• .i .au panra la zantufa ku poi ralju ku'o fa lo tunba noi genturfa'i la cekitaujaus

ni'o

la zantufa tai ma srana lo drata noi klesi la lojban

• .i la jbofi'e .e la camxes .e la masatos.camxes cu dzena la zantufa
• .i la ilmentufa zei camxes cu se panzi pe'a zy
• .i la cipra ilmentufa joi La Bangu cu tunba je bradi zy lo ka gerna
• .i la iocixes joi lo gerna be ma'i la iocixes vu'o noi se jicmu lo zasni gerna joi lo mekso vu'o noi se stidi la xorxes cu ctuca zy
• .i la cekitaujaus cu se xendo pe'a zy gi'e ba'a pamei lo vrici be zy

ni'o

ma se pacna

.i lo nu ma'a cliva La Bangu gi'e xabju pe'a lo zabna gerna .i .a'o zanfu'a la zantufa

ni'o

jo'au zantufa xi piso do'u

mulno so'a va'e

i la zantufa xi za'upiso cu se steci pi so'a lo ka se djica la guskant

i ba'a sarcu fa po'o lo nu vimcu lo cfila kei je lo nu jmina lo cnino cmavo be lo ca'a selma'o

i e'o jungau la guskant lo da'i du'u do sanji da poi cfila ja cu raktu

i di'e liste lo steci be la zantufa xi piso

i pi so'a la zasni gerna ku noi se stidi la xorxes cu se cerda

i va'i so'u va'e co frica la iocixes ne la zasni gerna peg ge'u (to xai de'a gubni toi) noi cerda pi ro la zasni gerna

i sa'unai tu'e

lo nu vimcu lo ga'e zei lerfu poi sinxa lo tsali se bacru cu na se cerda

i ki'u bo la guskant na kakne lo nu stika tu'a la'o zoi preproc.js zoi ja'e lo nu basti lo gerna pe lo ga'e zei lerfu

i lo slaka zunsna zo'u na'e se stika

i mu'i bo pe'i lo nu stika cu ka'e rinka lo nu na genturfa'i lo so'i pu lojbo

i ku'i la da'i zantufa traji cu ka'e cerda la'e di'u vau u'i

i zo ke joi zo ke'e cu za'o kuspe lo sumti ja lo brirebla

i pe'i lo nu go'i cu no'e sarcu i ku'i va'o lo nu ma'oi KE fa'u ma'oi KEhE basti ma'oi NUhI fa'u ma'oi NUhU kei radycru ei lo go'i

i gijoi ma'oi LAU gi ma'oi TEI gi ma'oi FOI cu za'o pagbu lo gerna

i mu'i bo ma'oi TEI joi ma'oi FOI cu plixau tezu'e lo nu cusku lo anji ta'i lo jungo ja lo ponjo (to zoizoi 部首 zoi toi)

i mu'a lu tei remna bu sanli bu foi li'u cu dunli lu zoizoi 位 zoi bu li'u lo ka smuni

i lo simsa be di'u cu fadni fi lo jungo ja ponjo se bacru ja lo jungo ke samci'a ciste

i lo nu ma'oi TEI jo'u ma'oi FOI frica ma'oi BY lo ka gerna cu se jalge lo nu frili fa lo nu te frica lo pa anji lo vanbi

(to ma'oi LAU cu no'e se nitcu ma'i lo jungo ja lo ponjo i ku'i na'e vimcu lo go'i ma'i lo si'o simsa ma'oi TEI lo ka te pilno toi)

tu'u

i pi so'a la mekso gerna ku noi se stidi la xorxes cu se cerda

i ku'i stika lo ka ce'u ce'u srana kei ne lo fancu joi lo namcu ma'i lo si'o plixau

i lo jonma'o ciste cu se jicmu lo se stidi be la xorxes je la selpa'i

i ku'i la zantufa cu se steci lo ka se dirba lo li'erla'i jonma'o

i ji'a la zantufa cu se steci lo ka se dirba lo jufra noi jbini ma'oi NU ce ma'oi KEI

i va'i ra noi jufra cu ka'e se steci lo ka prane ke logji jufra kei mu'u lu

([CU {du'u «(¹[da de] zo'u¹) (¹da [CU {broda «de VAU»}]¹) (¹i je [de {CU «brode (²da VAU²)»}]¹)» kei} VAU] IAU)

li'u

i lo nu go'i cu sarcu ma'i lo pijyske ne la kuuain

i ma'oi FA pe la zantufa cu se jicmu lo pa sidbo be fi lo ponjbogri

i sa'u si'o na'e sarcu fa lo nu te frica ma'oi FA noi sumtcita ku'o ma'oi SE noi selbri ja jonma'o ja tcita tcita

i ganai da'i prane lo ka sarji lo sidbo gi ei ma'oi FA basti ma'oi SE

i mu'a lu seva'u li'u cu ei se basti lu feva'u li'u

i ku'i ma'i la camxes lo se go'i cu se stura lu ([{fe KU} {va'u KU}] VAU) li'u ije lo nu prane co sarji ra noi sidbo cu ka'e rinka lo nu na'e genturfa'i lo so'i catni lojbo jufra

i la'e di'u krinu lo nu la zantufa cu sarji pi so'o po'o lo sidbo

i ku'i la da'i zantufa traji cu ka'e sarji piro lo sidbo vau u'i

(to va'o da'i la'e di'u lo sance no'u zo fy cu no'e melbi ma'i lo si'o so'i roi bacru kei i se mu'ibo la'a lo sance no'u lo'u sa se si so su le'u jonai lo drada cu basti lo sance no'u lo'u fa fe fi fo fu le'u toi)

ni'o

klesi la zantufa

i la zantufa cu se klesi la zantufa jo'u la maltufa jo'u la cekitaus

i sa'unai tu'e

la zantufa

i la zantufa cu ralju fi lo ka genturfa'i lo se cusku be la guskant

i

la maltufa

i la maltufa cu co'a se finti seva'u xo'o lo te mabla be fi la zantufa

i ku'i ce'o la maltufa cu se galfi tezu'e lo nu genturfa'i lo puzu xamgu lojbo no'u mu'a la'au la teris po'u lo tirxu cu vitke zi'o le barda tcadu li'u

noi la cipra ilmentufa je la camxes ilmentufa vu'o poi se detri li 20150810 U'yTyCy cu na genturfa'i ke'a

(to la camxes je la jbofi'e cu xamgu genturfa'i ki'u lo nu na'e stika tu'a lo cnino javni toi)

(to si'a zu'u la zantufa cu genturfa'i lo cnino ve farvi no'u la'au la .teris. ku noi tigra cu stuvi'e lo barda tcadu li'u ije zu'unai la cipra ilmentufa je la camxes ilmentufa je la camxes je la jbofi'e vu'o noi se detri li 20150810 U'yTyCy cu na genturfa'i lo se go'i toi)

i

la cekitaus

i la zantufa je la maltufa cu se klesi so'o la cekitaus noi se finti tezu'e lo nu genturfa'i so'i lo cekitaus jufra

i pi so'i lo sidbo ne la cekitaus cu se sarji

i ku'i ma'i lo si'o ma'oi GA dirba kei lo'u (mo'oi ge) (i'au go) (zo'u go) (moi'oi gei ge'i) le'u mu'a cu na'e ka'e se sarji la zantufa

i ganai da'i do te sidbo lo drata cmavo lo si'o basti simxu kei gi e'u jungau la guskant noi ka'e finti lo cnino klesi be la cekitaus zantufa ja maltufa seva'u do

tu'u

ni'o

notci

ni'o

liste lo zantufa papri

• zantufa jonma'o
• zantufa mekso
• zantufa ze'oi FA
• zantufa nu selma'o stika
• zantufa/fr (to banfuru'a toi)
• zantufa/en (to bangenugu toi)
• zantufa/ja (to banjupunu toi)