jo'au

jo'au zantufa xi pipare ni'o ni'o

zo jo'au mo

.i zo jo'au cipra cmavo .i ri se finti la guskant joi la ilmen tezu'e lo nu jungau lo te cusku lo du'u ma kau ma kau gerna lo se cusku

.i sa'unai la lojban cu ca vrici lo ka gerna ja smuni .i mu'a La Bangu jo'u la fancylojban mu'anai cu klesi la lojban gi'e cerda lo pi so'i si'e la lojban po'u lo ca'irselzau .i lo nu lo te cusku .a lo genturfa'i cu jimpe fi lo se cusku cu se sarcu lo nu cusku da poi sedu'u ma kau ma kau gerna lo se cusku

ni'o ni'o

ta'i ma pilno zo jo'au

ni'o

pu cmima ma'oi MAI

.i lo pa re'u se stidi cu du'u zo jo'au cmima ma'oi MAI .i mu'a ma'i la zantufa xi pipa .e lo purci ku lo'u zantufa bu jo'au xi pipa le'u gendra

ni'o

ca cmima ma'oi COI_3

.i ku'i tu'e va'o lo nu lo namcu lo lerpoi cu gau frica lo ka gerna cu plixau fa lo nu zo jo'au cmima ma'oi COI .ije la zipcpi cu jinvi lo du'u segu ma kau gerna fi lo namcu jo'u lo lerpoi gi zo jo'au poi cmima ma'oi COI cu zmadu lo ka plixau tu'u

.i se mu'i bo ma'i la zantufa xi pipapa .e lo balvi ku lu jo'au zantufa xi pipare li'u cu gendra

ni'o

lo selku'e be lo smuni be lo jo'au zei vlapoi

.i lo jo'au zei vlapoi cu smuni kuspe lo cfari be lo se cusku be'o ga'o bi'o ke'i lo za'u re'u jo'au zei vlapoi

ni'o ni'o

lo mupli

• jo'au cylyly xi papipa
• jo'au camxes
• jo'au iocixes (to lo zasni gerna be fi'e la xorxes toi)
• jo'au zantufa xi pipare (to lo ve farvi be fo la zantufa toi)
• jo'au ilmentufa (to lo ve farvi cu zvati la gitub toi)
• jo'au fancylojban (to va'i jo'au cekitaujaus toi)
• jo'au gadganzu